Norðanátt

Það er alveg merkilegt að þegar sólin hækkar á lofti lækkar á manni bloggrisið. Maður veit varla hvort maður á að kalla sig bloggara lengur Enda eru allir komnir á feisbúkk og farnir að hugsa um kosningar eða bara langþráð sumar. En hann er enn á norðan og sumstaðar nístir inn að beini.

Flokkur einn með fálka uppá þaki
flýgur sár um dali, nes og tanga.
þeir ganga nú með gullnu vængjablaki
til Golgata á föstudaginn langa.

Svo ætla ég að fela páskaegg í kvöld og láta mig dreyma um sumar. Gleðilega páska.

Athugasemdir

[Hólmfríður Bjarnadóttir, 11.4.2009 kl. 21:29]

Góð vísa eins og þín er von og vísa. Gleðilega páska

[Jóhannes Guðnason, 12.4.2009 kl. 08:02]

Sæll vertu Eyþór minn,og Gleðilega páska,Flott vísa,(er þetta nýja vísan fyrir sjálfstæðisflokkinn.??) HA HA HA ekki veitir þeim af,en að öllu gamni sleppt,þá ætla ég að gleyma pólitík,og njóta þess hvað páskaveðri er fallegt,og fara með þessa skemmtilegu vísu,heyrumst.  

[Ólína Kjerúlf Þorvarðardóttir, 12.4.2009 kl. 11:44]

Frábær vísa Eyþór.

 Gleðilega páska kæri bloggvinur og njóttu hátíðanna.