Hundar á spjalli

Í útvarpinu (rás 1) er hundur, Þ.e.a.s. þáttur með þeim félögum Eiríki og Hjörleifi sem eru dúettinn "Hundur í óskilum". Þátturinn er á laugardögum kl.18.30 (endurfluttur á þriðjudagskvöldum). Þetta hljómar eins og dagskrárkynning, en átti ekki að vera það. Ég sat úti í bíl áðan og komst ekki inn með kvöldmatinn því þeir félagar héldu mér föstum með sögum og söng. Þeir voru eiginlega ekki komnir úr réttunum ennþá. Í lokin sungu þeir þó um "aðalgjaldkerann ástvinalausa í erlendri milljónaborg". Svo það er ykkur að kenna "hundarnir ykkar" ef fjölskyldan verður dauð úr hungri áður en kvöldmaturinn er tilbúinn. En ég heyrði að það tíðkast enn fornir réttarsiðir í Svarfaðardal, sem nú eru löngu aflagðir í Akrahreppi. Þar setja menn bara undir sig hausinn og draga sitt fé. Sem sagt; þessi hundur er algjört metfé.

Athugasemdir

[Ragnheiður Ástvaldsdóttir (IP-tala skráð) 30.9.2007 kl. 16:41]

Sæll Eyþór. Rambaði á síðuna þína fyrir algjöra tilviljun. Frábær lýsing hjá þér á réttarstemmingunni. Ég var í huganum komin norður í Silfrastaðarétt, en þar hef ekki komið í ansi mörg ár, alltof mörg reyndar. Þar sem Skagafjörður, og sérstaklega þá Blönduhlíðin, er í mínum huga fallegasta sveit í heimi ætla ég að láta fylgja með vísu eftir pabba.

Bjart er yfir Blönduhlíð

blómum skrýdd er jörðin

þegar sól um sumartíð

sveipar Skagafjörðinn.

[Kristín Björg Þorsteinsdóttir, 1.10.2007 kl. 18:51]

Heyrði akkúrat restina af þættinum þar sem við renndum okkur niður Kambana. Hann var mjög skemmtilegur textinn um ræfilst útlagann sem fórnar sér fyrir okkur sveitlubbana.