Bíó

Það er orðið framorðið hér í Reykjavík. Líkkistusmiðurinn mælir líkin og hetjan ríður brott. Sögulok. Var að enda við að horfa á "Hnefafylli af dollurum". Það er ekki verið að flækja hlutina í þeirri mynd. Og það er ekki dregið af sér þegar þeir bregða sér á bak. Það er riðið á stökki enda liggur mikið við. Hetjan er svöl. Kastar rétt kveðju á vertinn sem bjargaði lífi hans, svona eins og hann sé á leið út í sjoppu, en ekki að yfirgefa bæinn. Og líkkistusmiðurinn brosir og heldur áfram að mæla...

Athugasemdir

[Gestur Gunnarsson , 15.10.2007 kl. 06:40]

Eru þetta ekki einhverjir frændur þínir sem búa þetta til?

[Eyþór Árnason, 15.10.2007 kl. 21:46]

Því miður ekki. Ég held að þeir hafi verið í snotrari myndum.