Jólatungl

Nú er Kertasníkir að leggja af stað og hann fær gott skyggni á leiðinni, því jólatunglið er í stuði og búið að kveikja á súlunni. Hangiketið er í pottinum og laufabrauðið bíður í dunknum og allt er að verða tilbúið. Ég verð að vísu að skreppa í búð í fyrramálið og kaupa mér sokka svo ég fari ekki í jólaköttinn. Titanik er í sjónvarpinu og akkúrat núna eru þeir að spila "Hærra minn guð til þín" og allt er að farast. En ég ætla að hlusta á jólakveðjur í útvarpinu og smakka á hangiketinu. Og kæru bloggvinir og allir úti í bloggheimum: Kíkið á tunglið. Það er fallegt. Gleðileg jól.

Athugasemdir

[Magnús Guðjónsson, 24.12.2007 kl. 15:03]

Kæri Eyþór og  fjölskylda..   Sendi ykkur mínar bestu óskir um gleðileg jól og farsæld á  komandi ári..  Þakka  öll  gömlu og góðu  árin,  vona að  þú  hafir  fengið  fína sokka sem halda  þér heitum á tánum um jólin..  þú  kannski skilar  bestu kveðjum í  Uppsali frá  mér  líka. 

Magnús G..

[Túrilla, 24.12.2007 kl. 21:42]

Sendi þér mínar bestu jólakveðjur, Eyþór minn, og óska þér mestu farsældar á komandi ári. Kærar þakkir fyrir öll liðnu árin 

[Einar Bragi Bragason., 25.12.2007 kl. 18:36]

Gleðileg jól félagi

[Jón Steinar Ragnarsson, 26.12.2007 kl. 04:31]

Gleðilega Hátíð elsku hjartans Eyþór minn og megi hamingjan hossa þér og kitla á komandi ári. Takk fyrir áralanga vináttu í kjörheimum og góða viðkynningu hér í ljósheimum.

[Ingólfur Ásgeir Jóhannesson, 29.12.2007 kl. 13:31]

Gleðileg jól

[Vilborg Valgarðsdóttir, 30.12.2007 kl. 22:42]

Gleðilegt ár Eyþór og takk fyrir bloggárið 2007! Eigðu skemmtilegt gamlárskvöld og gangi þér allt í haginn í framtíðinni

[Lára Hanna Einarsdóttir, 31.12.2007 kl. 00:26]

Síðbúnar jólakveðjur með ósk um ljómandi gott nýtt ár með sól í sinni.

[Eyþór Árnason, 31.12.2007 kl. 00:59]

Takk fyrir innlitið og góðar kveðjur, elsku vinir.