Gamalt hlaup

Sumt man maður og gleymir aldrei. Ég mun aldrei gleyma 5000 m hlaupinu á Landsmótinu á Króknum 1971. Ég man að maður hafði væntingar til sinna manna í UMSS og ég man að völlurinn var fallegur, Mánar spiluðu og Villi frændi var í fótboltaliðinu. En í 5000 metrunum sá ég Jón H. Sigurðsson hlaupa. Þá skildi ég orðið dýrléttur. Hann kom varla við jörðina og kom í mark heilum hring á undan hinum. Og þetta var bara sveitastrákur úr HSK hinumegin við Kjöl, sem hljóp svona. Og nú þegar ég sit hér og loka augunum sé ég hann þjóta undir Nöfunum svo hratt að fjöllin missa sjónar á honum, enda hring á undan.

Athugasemdir

[Lára Hanna Einarsdóttir, 28.2.2008 kl. 00:38]

Ég veit ekki af hverju, en þessi færsla minnir mig á hestinn sem þú sagðir okkur frá þegar þú komst úr göngunum í haust. Kom han einhvern tíma í leitirnar?

[Eyþór Árnason, 28.2.2008 kl. 09:46]

Hesturinn hefur ekki fundist.

[Ingólfur Ásgeir Jóhannesson, 28.2.2008 kl. 15:18]

Já, Landsmótið á Króknum, þar held ég hafi verið, gist í tjaldi aðra nóttina en heima hjá Jóni Friðrikssyni hina nóttina. Rámar líka í ball í Miðgarði þar sem var algerlega stappað, voru það Mánarnir?

[Einar Bragi Bragason., 29.2.2008 kl. 00:53]

ég var þarna líka 6 ára í bongóblíðu sendur í sveit til Möggu frænku á Löngumýri......eina sem ég man er samt bara gott veður brekkan fyrir ofan völlinn og stelpa sem hét Ásta.

[Sigríður Gunnarsdóttir, 29.2.2008 kl. 09:51]

Þetta er hljómar eins og samtal við aldirnar, ég var ekki einu sinni fædd:-)

[Lilja Guðrún Þorvaldsdóttir, 29.2.2008 kl. 21:22]

Ég var þarna líka, og fór einmitt á ball í Miðgarði í fyrsta sinn.   En  svo var ég líka á Landsmótinu á Laugarvatni þegar hitabylgjan gekk yfir landið og sólin steikti áhorfendur og keppendur og algjör vatnsskortur varð.   Því gleymi ég aldrei.

[Eyþór Árnason, 1.3.2008 kl. 00:57]

Miðgarður var staðurinn. Ég held ég hafi hitt þig á ballinu Ingólfur.

Og Einar minn: Gott að vera frændi Margrétar á Löngumýri. Hún var flott. En leitt með Hönnu. 

Þetta var svo gaman þarna í gamla daga Sigga.

Og Lilja mín: Kannski hef ég séð þig á ballinu, en ekki þorað að bjóða þér upp. 

En hvort Mánar spiluðu á ég eftir að finna út.  Takk fyrir innlitið.

[Rúnar Birgir Gíslason, 2.3.2008 kl. 07:09]

Ég er eins og Sigga, of ungur til að geta munað þetta. En ég hef lesið um þetta mót og finnst merkilegast að körfubolti var leikinn utandyra þarna, á balli sem var byggður.