Miði á Vesturgötunni

Ég er enn í stuði eftir Rolling Stones tónleikana í gærkvöldi þó í bíó væru. Fór svo á alvöru tónleika í Tónmenntaskólanum í morgun þar sem nemendur á ýmsum stigum spiluðu. Maður kemur alltaf betri út af þessum tónleikum. Svo var fiðlustelpan líka flott. En það sem mér fannst krúttlegast um þessa helgi var miði á Vesturgötunni. Ég átti nefnilega leið þar um á laugardaginn. Og aldrei þessu vant var ég ekki á bíl. Þarna gengum ég og Vaka eftir gangstéttinni þar sem sólin skein og leiddum reiðhjól heimilisins, því nú átti að pumpa í dekkin. Þá rákum við augun í miðann. Hann var í glugga á rakarastofu: "Er kominn með flensu. Get ekki meir í dag. Kveðja Raggi." Við vonum bara að Raggi verði snöggur að ná sér.

Athugasemdir

[Einar Bragi Bragason., 15.4.2008 kl. 22:43]

heimilislegur miði...

[Lára Hanna Einarsdóttir, 16.4.2008 kl. 09:04]

Vesturgatan er gatan mín. Raggi er reyndar ekki rakarinn minn, en nágranni og sendir mér alltaf tölvupóst ásamt hinum skjólstæðingum sínum þegar hann hefur einhver skilaboð til þeirra. Eðalmaður og ég vona að hann hressist fljótt.