Ísbjörn

Hann sefur rótt á sallafínum dúni

en sveitin bíður þess hann vakni' og múni.

Hann dreymir kannski dilkakjöt í maga

dauðleiður á eggjunum á Skaga.

 

Hann dreymir jú um sílspikaða seli

sem synda út um allt á norðurhveli

en eggin étur eins og konfektmola

því óttast menn um kýr sínar og bola.

 

Gullvægt er að gera enga skyssu

gott er samt að hafa hlaðna byssu

ef Bjössi skyldi læðast burt í laumi

því leikstjórinn hann er í þessum draumi.

 

Nú horfir út á hafíslausa sæinn

og hugsar sitt á þjóðhátíðardaginn.

En feginn er nú flökkubjörn á Hrauni

að frelsishetjan skuli vera Bauni. 

 

    Vonandi gengur allt vel. Gleðilega þjóðhátíð.

 

Athugasemdir

[ggs (IP-tala skráð) 17.6.2008 kl. 12:51]

heheh .. Frábært ljóð ! Til hamingju með daginn

[Magnús Guðjónsson, 17.6.2008 kl. 13:24]

Frábært innlegg í daginn Eyþór,  vonandi  kemst  Ófeigur Björ......son  aftur lifandi  í  dýragarðinn í  Kaupmannahöfn,  fín örlög  það,  eða   kannski bara til Grænlands, ef  hann fær vegabréfsáritun. 

Gleðailega þjóðhátið

MG

[Rúnar Birgir Gíslason, 17.6.2008 kl. 15:35]

Þetta er magnað, frábær kveðskapur

[Jón Steinar Ragnarsson, 17.6.2008 kl. 20:22]

Snillingur ertu. Ekki var bauninn honum til gæfu eftir allt.  Náði ekki einu sinni að hitta hann almennilega.  Kannski var hann með baunabyssu?

[Karl Jónsson, 18.6.2008 kl. 08:37]

Gaman að þessu Eyþór!

[Sigurður Berndsen (IP-tala skráð) 18.6.2008 kl. 20:57]

Glæsilegt, mjög skemmtilegt, biðjum að heilsa öllum.

[Eyþór Árnason, 19.6.2008 kl. 01:07]

Takk fyrir innlitið drengir, en þetta fór eins og það fór, greinilega ekki einfalt mál að fanga ísbjörn:

Þeir náðu ekki nálinni að skjóta

norðanaldan hélt áfram að brjóta

og flökkubirna fyllti ævidaga

í fjöruborði útvið Hraun á Skaga. 

[Sæmundur Bjarnason, 19.6.2008 kl. 01:15]

Flott kvæði. Setti þessa saman og á aukabloggið mitt (visur7.blog.is)

Ísbjörn skjóta urðu þar

utan kvótans rauða.

Til bangsa ljótu byssurnar

báru skjótan dauða.

[Hildur Helga Sigurðardóttir, 19.6.2008 kl. 02:17]

Dýrt -og "dýrt" kveðið hjá þér Eyþór -og reyndar fleirum hér að ofan. Eftir allt sem á undan gekk er eins gott að frændur á Skaga séu óétnir af ísbirnu. Henni gat ég hins vegar vel unnt þess að eiga náðugt ævikvöld í varpinu, eftir langan og strangan sundsprett o.fl. hremmingar.   Er þó vel við æðarfuglinn, en sýnist bara um þetta varp það vel hugsað, að ég er næsta viss um að það verður jafn gott að ári -þó að ísbirna hafi nartað í nokkur egg og unga milli blunda.

[Lára Hanna Einarsdóttir, 20.6.2008 kl. 22:35]

Frábær kveðskapur! 

[Helga Guðrún Eiríksdóttir, 21.6.2008 kl. 15:26]

Flottur alltaf, Eyþór! Skagfirðingar.. Skagfirðingar..

[Aðalheiður Ámundadóttir, 21.6.2008 kl. 19:31]

[Eyþór Árnason, 22.6.2008 kl. 01:06]

Takk fyrir innlitið og falleg orð.