Haustið kemur

Ég verð að viðurkenna að haustið er að detta á. Maður finnur það á morgnanna og í rökkrinu á kvöldin. Og grasið í vegaköntunum er orðið hvítt.  Annars spurði ég einn frænda minn, sem veit ansi margt hvenær haustið byrjaði eignlega. Hann var hugsi augnablik en sagði svo: "Fjórtánda september." Ég er að hugsa um að halda mig við það. Maður er annars allur að jafna sig eftir silfurverðlaunin. Fór í veiðitúr um helgina og nú er botnfylli í frystikistunni góðu af laxi. Og það var ekki laust við hamingu er ég keyrði heim í gær.  Var líka nokkuð drjúgur með mig í dag. Svo uppgötvði ég frábæra hljómsveit áðan. Tindersticks. Hún spilar víst á Nasa á fimmtudaginn. Svo styttist í réttir. Lífið er stundum svo skemmtilegt.

Athugasemdir

[Rúnar Birgir Gíslason, 9.9.2008 kl. 15:06]

Verður safnið rekið niður Norðurárdalinn þann 14. september? Er það þess vegna sem haustið hefst þá?

Ferð ekki örugglega í göngur/niðurrekstur/réttir og færir manni fréttir?

[Eyþór Árnason, 10.9.2008 kl. 21:52]

Safnið verður rekið niður þann 14.  Ég ætla að skreppa og vita hvort haustið kemur í mig. Gef síðan skýrslu. Kveðja.

[Ragnheiður Ástvaldsdóttir (IP-tala skráð) 10.9.2008 kl. 22:00]

Klukk klukk

og góða ferð í Hlíðina okkar fögru

[Eyþór Árnason, 12.9.2008 kl. 00:51]

Takk fyrir klukkið. Ég mun svara.